(16+) “БАШҠОРТ ҒАИЛӘҺЕ КӨНӨ” (СТАРОМУСИНСКАЯ СЕЛЬСКАЯ БИБЛИОТЕКА)

Бер нисә йыл элек Бөтә донъя башҡорттары ҡоролтайының башҡарма комитеты 1 мартты Башҡорт ғаиләһе көнө тип билдәләргә тәҡдим итте. Китапханасы ошо дата уңайынан китап-иллюстрация күргәҙмәһе әҙерләне. Унда фондта булған китаптар, төҫлө журналдар һәм шәхси ҡулланыуҙа булған башҡорт ғаиләһенең көнкүреш әйберҙәре ҡуйылды. Ғилми баҫмаларҙан “Народы Башкортостана: историко-этнографические очерки”, “Мы дружбой сильны/Дуҫлыҡ менән көслөбөҙ”, Н.В. Бикбулатовтың “Башкирская система родства”, Р.Ә. Солтангәрәеваның “Йола – система и нормы жизневедения башкир” китаптары, 5-се класс өсөн “Тормош һабаҡтары” дәреслеге, шулай уҡ З. Яубаҫарованың “Атай кеүек булам мин”, Ф. Ғөбәйҙуллинаның “Башҡортомдан батыр юҡ икән”, Г. Ситдиҡованың “Ҡолонсаҡ –арғымаҡ булыр бер саҡ” һәм башҡа әҙәби-художество китаптар китап уҡыусыларҙа ҡыҙыҡһыныу уятты һәм уятыр. Күргәҙмә бер нисә көн дауамында эшләйәсәк.